Plantun de Prouvènço

Pèr coumpara dos planto d'encò nostre

Saxifraga paniculata & Menyanthes trifoliata

Sassifrago(-en-paumo)

Saxifraga paniculata

Saxifragaceae

Autre noum : Sassifrajo.

Nom en français : Saxifrage en panicules.

Descripcioun :
Aquesto sassifrago èi pulèu coumuno en mountagno ounte fai de coulounìo de rousetto larjo de 15 à 50 mm. Li fueio basalo soun espatulado, larjo de 5 à 7 mm, duro, verdalo, dentado e bourdado de blanc (cauquié). L'enflourejado es en paumo (paniculo) laco emé de flour blanco e de petalo de 5 à 8 mm.

Usanço :
La sassifrago-en-paumo se bouto dins li "jardin de roucaio" mounte fai mirando emé si rouseto verdalo.

Port : Pichoto planto lignouso
Taio : 5 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 8 à 13 mm
Flourido : Printèms - Estiéu

Sòu : Ca
Autour basso e auto : 400 à 2800 m
Aparado : Noun
Mai à avoust

Liò : Roucas - Esboudèu - Baus
Estànci : Mountagnard à Aupen
Couroulougi : Bourealo
Ref. sc. : Saxifraga paniculata Mill., 1768

Tréule d'aigo

Menyanthes trifoliata

Menyanthaceae Gentianaceae

Noms en français : Trèfle d'eau, Ményanthe trifolié.

Descripcioun :
Lou tréule-d'aigo èi pas uno planto coumuno au nostre. Trachis dins li palun tourbous de mountagno sus siliço. Di cambo que rebalisson au sòu o floton dins l'aigo, sorton, cado annado, de fueio dreissado di tres fueioun, ço que i'a douna lou noum (pamens èi pas uno Fabaceae). Flouris d'ouro e douno uno enflourejado en grapo de flour blanco .

Usanço :
La racino èro manjado dóu tèms di carestié dins l'uba de l'Éuropo. Pamens, coume lou soubre de la planto, èi di proun amaro (fau faire bouli mai d'un cop e chanja lis aigo). Li fueio an peréu servi à la plaço di pigno d'óubloun pèr aroumatisa la biero. Li fueio secado soun vertuouso contro li fèbre, soun tambèn tounico, estoumatico, astingènto, anti-inflamativo... (pas trop n'en prendre pamens).

Port : Erbo
Taio : 10 à 40 Cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Menyanthes
Famiho : Menyanthaceae
Famiho classico : Gentianaceae

Ordre : Asterales

Coulour de la flour : Blanco
Petalo : 5
Ø (o loungour) enflourejado : 8 à 10 cm
Flourido : Printèms

Sòu : Si
Autour basso e auto : Pancaro entresigna
Aparado : Noun
Abriéu à jun

Liò : Palun tourbous - Mueio - Roubino - Aigo
Estànci : Coulinen à Subaupen
Couroulougi : Bourealo
Ref. sc. : Menyanthes trifoliata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Saxifraga paniculata & Menyanthes trifoliata

ges

Coumpara Sassifrago(-en-paumo) emé uno autro planto

Coumpara Tréule d'aigo emé uno autro planto